I Ål skal det vere trygt og godt å vekse opp. Av og til oppstår det likevel utfordringar. Denne nettsida er for vaksne som er bekymra for eit barn, for barn og unge som sjølv har det vanskeleg, og for tilsette i Ål kommune som jobbar med barn og unge. Kven er du?
I kommunen vår finn du fleire å snakke med om tankar, kjensler, trivsel og ting du er bekymra for. Det vil seie at du alltid kan finne nokon å snakke med om kva som helst, anten det gjeld deg sjølv, ein ven eller nokon i familien.
Om du har god kontakt med ein vaksen, til dømes ein lærar eller trenar, kan du snakke med han/ho, eller den vaksne kan hjelpe deg å finne rett person som du kan snakke med. Alle som jobbar med barn og unge i kommunen har teieplikt, og må ha ditt samtykke for å involvere andre. Du kan også ringe Alarmtelefonen for barn og unge, på telefon 116 111, måndag-fredag frå 08.00-15.00.
Barn og unge har rett til å bli høyrd
Barn og unge har rett til å bli høyrd. Har du høyrd om desse lovene?
Barnekonvensjonen er ei avtale om nesten alle land i verda. Den seier noko om korleis alle barn i verda skal ha det. Noreg har signert barnekonvensjonen og gjort den til norsk lov. Barnekonvensjonen seier at vaksne skal gjere det som er best for barn, og at barn har rett til å seie si meining. Barn og unge skal bli informert, høyrd og tatt på alvor i alle avgjersler som gjeldt dei. Barnekonvensjonen seier også at:
I Noreg er det forbode å slå barn. Ingen har lov å misbruke deg, eller gjere deg vondt på nokon måte, anten med kroppen din eller følelsane dine. Dette gjeldt både foreldre og andre vaksne, og andre barn og unge.
Barneloven er barn og unge si eiga lov. Den seier at jo eldre barnet er, jo meir må dei vaksne ta hensyn til barnet si meining når dei tek avgjersler for barnet.
Helsepersonelloven sikrar at du vert tatt vare på om ein av foreldra dine vert alvorleg sjuke. Då har helsepersonell eit ansvar for at du vert ivareteke, og at du får vite kva som skjer.
Alarmtelefonen for barn og unge
Helsestasjonen 32 08 52 90
Hallingdal barnevernteneste 320 85 310
Hallingdal barnevernteneste vakttelefon 911 14 600
Alarmtelefonen for barn og unge 116 111
